مبادرة مشروع أنا فني ،في مكتبة الأسكندرية بتنظيم من مبادرة " خطوة لفوق " وبالتعاون مع " مكتبة الايداع "للاهتمام بكادر التعليم الفني في مصر

مشروع أنا فني ..

هو مشروع بيهتم بكادر التعليم الفني في مصر
يعني لو أنت طالب أو خريج أي مدرسة أو معهد تبع التعليم الفني .. يبقي المشروع دا بتاعك وحيفيدك وتقدر تقدم فية ...
مشروع انا فني
هو مشروع بيتعمل كل سنة في مكتبة الأسكندرية
بتنظيم من مبادرة " خطوة لفوق " وبالتعاون مع " مكتبة الايداع " ..
والسنة دي حيكون رابع مرة يتعمل فيها المشروع

________________________
أية هي أهداف المشروع ؟ اخراج نوعين من المشاركين
- النوع الأول :
ان المشارك بعد ما يخلص المشروع يكون عندة القدرة انه يبتكر أو يخترع منتج جديد .
- والنوع التاني :
ان المشارك يقدر يعمل فكرة مشروع وشغل خاص بيه ويكتب خطة عمل واضحة للشغل الجديد عشان بعد المشروع يقدر يفتح شغله الخاص
________________________
المشروع ممكن يقدملك إيه ؟
- أنت كمشارك حتكتسب المهارات الأساسية اللى انت محتاجها في حياتك وفي شغلك .
- المشروع حيوفر لك مجموعة من الأشخاص و المؤسسات اللى حتدعمك وحتدعم شغلك
- أنت كمشارك حيتوفر ليك فرص تدريب في أماكن خارجية بعد نهاية المشروع
- المشروع حيكون من خلال مجموعة من المراحل اللى علي أساسها حيوصل لكل مشارك أكبر فايدة تناسبة
- في أخر المشروع حيكون في معرضين
المعرض الاول :
المشاركين حيعرضوا مشاريعهم وابتكارتهم في الكليات والمعاهد اللى ممكن تتدعمهم .
المعرض الاخير:
المشاركين حيعرضوا مشاريعهم وابتكارتهم لأي حد ممكن يجي ويتفرج عليها
سواء أشخاص عادية أو منظمات حتدعمهم بالتمويل والدعم المادي اللى هم محتاجينة
او بفرص التدريب او انهم يساعدوهم في المشاريع في التنفيذ وغيرة
________________________
ازاي ممكن تشارك ؟؟
- أملي الأستمارة وأستني حد يتصل بيك يحدد معاد لمقابلة معاك
http://goo.gl/forms/IOo0Ue5wy9
- المشروع حيبدأ في فترة اجازة نص السنة
- ولو عندك أي أسئلة أو أستفسارات أو نقط مش واضحة في أي وقت .. أبعتلنا علي رسائل الصفحة وحنرد عليك علي طول
‫#‏انا_فني_حابني_وطني‬
‫#‏هتدور_بأدينا‬
‫#‏مكتبة_الايداع‬
‪#‎SUYI‬
‪#‎WeStepUp‬